ਸਰਬਜੀਤ ਸੋਹੀ
ਸਰਬਜੀਤ ਸੋਹੀ ਆਸਟਰੇਲੀਆ ਵਿੱਚ ਵਸਦਾ ਇੱਕ ਪੰਜਾਬੀ ਕਵੀ ਹੈ। ਇੱਕਵੀਂ ਸਦੀ ਵਿੱਚ ਲਿਖੀ ਜਾ ਰਹੀ ਪ੍ਰਗਤੀਸ਼ੀਲ ਕਵਿਤਾ ਵਿੱਚ ਉਸਦਾ ਜ਼ਿਕਰਯੋਗ ਸਥਾਨ ਹੈ। ਉਸਦੀ ਕਵਿਤਾ ਵਿੱਚ ਜੁਝਾਰ-ਵਿਦਰੋਹੀ ਕਾਵਿਧਾਰਾ ਦੀ ਝਲਕ ਮਿਲਦੀ ਹੈ। ਉਸਦੇ ਪਹਿਲੇ ਕਾਵਿ-ਸੰਗ੍ਰਹਿ ਸੂਰਜ ਆਵੇਗਾ ਕੱਲ੍ਹ ਵੀ ਨੂੰ ਪੰਜਾਬੀ ਪਾਠਕਾਂ ਵੱਲੋਂ ਕਾਫ਼ੀ ਨਿੱਘਾ ਹੁੰਗਾਰਾ ਮਿਲਿਆ ਸੀ। ਸੰਨ 2017 ਵਿੱਚ ਪ੍ਰਕਾਸ਼ਿਤ ਹੋਏ ਉਸਦੇ ਦੂਸਰੇ ਕਾਵਿ-ਸੰਗ੍ਰਹਿ ਤਰਕਸ਼ ਵਿਚਲੇ ਹਰਫ਼ ਨੇ ਵੀ ਪਾਠਕਾਂ ਅਤੇ ਆਲੋਚਕਾਂ ਦਾ ਕਾਫ਼ੀ ਧਿਆਨ ਖਿਚਿਆ ਹੈ।
ਜੀਵਨ ਵੇਰਵਾ
ਸਰਬਜੀਤ ਸੋਹੀ ਦਾ ਜਨਮ 15 ਦਸੰਬਰ 1975 ਨੂੰ ਪੰਜਾਬ (ਭਾਰਤ) ਦੇ ਜ਼ਿਲ੍ਹਾ ਅੰਮ੍ਰਿਤਸਰ ਦੇ ਪਿੰਡ ਚੀਮਾਬਾਠ (ਨਾਨਕਾ ਪਿੰਡ) ਵਿਖੇ ਹੋਇਆ। ਉਸਨੇ 1996 ਵਿੱਚ ਜੀ. ਟੀ. ਬੀ. ਸਰਕਾਰੀ ਕਾਲਜ ਸਠਿਆਲਾ (ਅੰਮ੍ਰਿਤਸਰ) ਤੋਂ ਗਰੇਜੂਏਸ਼ਨ ਕੀਤੀ। 2007 ਵਿੱਚ ਪੰਜਾਬੀ ਲੈਕਚਰਾਰ ਬਣਨ ਤੋਂ ਪਹਿਲਾਂ ਉਸਨੇ ਪੰਜ ਸਾਲ ਦੇ ਕਰੀਬ ਪ੍ਰਾਇਮਰੀ ਅਧਿਆਪਕ ਵਜੋਂ ਨੌਕਰੀ ਵੀ ਕੀਤੀ ਸੀ। ਸੰਨ 2008 ਵਿੱਚ ਉਹ ਨੌਕਰੀ ਛੱਡ ਕੇ ਪੱਕੇ ਤੌਰ ਤੇ ਆਸਟਰੇਲੀਆ ਆ ਗਿਆ ਅਤੇ ਅੱਜ-ਕੱਲ੍ਹ ਕਵੀਨਜ਼ਲੈਂਡ ਦੇ ਸ਼ਹਿਰ ਬ੍ਰਿਸਬੇਨ ਵਿਖੇ ਰਹਿ ਰਿਹਾ ਹੈ।
ਮੌਲਿਕ ਪੁਸਤਕਾਂ
- 2016 ਸੂਰਜ ਆਵੇਗਾ ਕੱਲ੍ਹ ਵੀ ਕਾਵਿ-ਸੰਗ੍ਰਹਿ
- 2017 ਤਰਕਸ਼ ਵਿਚਲੇ ਹਰਫ਼ ਕਾਵਿ-ਸੰਗ੍ਰਹਿ
- 2019 ਲਹੂ ਵਿੱਚ ਮੌਲਦੇ ਗੀਤ ਕਾਵਿ-ਸੰਗ੍ਰਹਿ
ਸੰਪਾਦਿਤ ਪੁਸਤਕਾਂ
- 2017 ਸ਼ਬਦਾਂ ਦੀ ਪਰਵਾਜ਼ ਕਾਵਿ-ਸੰਗ੍ਰਹਿ
- 2017 ਪੰਜਾਂ ਪਾਣੀਆਂ ਦੇ ਗੀਤ ਗੀਤ-ਸੰਗ੍ਰਹਿ
- 2018 ਜਗਦੇ ਹਰਫ਼ਾਂ ਦੀ ਡਾਰ ਗ਼ਜਲ-ਸੰਗ੍ਰਹਿ
ਅਨੁਵਾਦਿਤ ਪੁਸਤਕਾਂ
- 2017 ਜਗਦੇ ਹਰਫ਼ਾਂ ਦੀ ਲੋਅ, ਸ਼ਾਹਮੁਖੀ (ਲਿਪੀਅੰਤਰ) ਆਸਫ਼ ਰਜ਼ਾ
- 2019 ਵਿਸਰਜਨ ਸੇ ਪਹਿਲੇ, ਦੇਵਨਾਗਰੀ (ਅਨੁਵਾਦ) ਸੁਭਾਸ਼ ਨੀਰਵ
ਖੋਜ/ਆਲੋਚਨਾ
- ਵਿਦਰੋਹੀ ਸੁਰ ਦਾ ਪੁਨਰ-ਉਥਾਨ ਆਲੋਚਨਾ ਪੁਸਤਕ, ਡਾ: ਅਨੂਪ ਸਿੰਘ
- ਸਰਬਜੀਤ ਸੋਹੀ ਦਾ ਕਾਵਿ ਸੰਸਾਰ ਐਮ ਫਿਲ ਥੀਸਿਜ਼, ਯਾਦਵਿੰਦਰ ਸੰਧੂ
ਮਾਣ/ਸਨਮਾਨ
1] ਸਰ ਮੁਹੰਮਦ ਇਕਬਾਲ ਐਵਾਰਡ 2019, ਅਦਬੀ ਕੌਸਲ ਆਫ਼ ਆਸਟਰੇਲੀਆ
2] ਇੰਡੋਜ਼ ਪੰਜਾਬੀ ਆਈਕੋਨ ਐਵਾਰਡ 2021, ਇੰਡੋਜ਼ ਹੋਲਡਿੰਗਜ਼ ਆਸਟਰੇਲੀਆ
3] ਹਿੰਦੀ ਸਾਹਿਤ ਸਨਮਾਨ 2021, ਇੰਡੀਅਨ ਲਿਟਰੇਚਰ ਐਂਡ ਆਰਟ ਸੁਸਾਇਟੀ ਆਫ਼ ਆਸਟਰੇਲੀਆ
ਸੰਸਥਾਵਾਂ
1) ਇੰਡੋਜ਼ ਪੰਜਾਬੀ ਸਾਹਿਤ ਅਕਾਡਮੀ ਆਫ਼ ਆਸਟਰੇਲੀਆ- ਸੰਸਥਾਪਕ
2) ਪੰਜਾਬੀ ਸਾਹਿਤ ਅਕਾਡਮੀ ਲੁਧਿਆਣਾ- ਜੀਵਨ ਮੈਂਬਰ